A.D. 940. King Edmund to Ælfhild, his kinswoman; grant of 15 hides (mansae) at Culham, Oxon. Latin

Archive:

Abingdon

MSS:

1. London, British Library, Cotton Claudius C. IX, ff. 105-203, ff. 110v-111r (s. xii 2)

Printed:

Stevenson, Chron. Abingdon, i. 91-2; B, 759; Kelly, Abingdon, no. 31

Comments:

Stenton 1913, pp. 45-6; PN Oxon., i. 150-1; Gelling, ECTV, no. 269, authentic; Keynes 1980, p. 32 n. 53, cited; Meyer 1981, pp. 345-6, cited; Blair 1994, p. 78, genuine; Kelly, Abingdon, no. 31, authentic; Thacker 1988, pp. 47, 60-1; Foot 2000, II. 17

Text:

Ego EADMUND, desiderio regni celestis exardens, fauente superno numine basileos industrius Anglorum ceterarumque gentium in circuitu persistentium, cuidam regalis progeniei mee tipo exorte matrone que humanis nuncupatur fatibus ÆLFHILD .xv. mansas cum optimatum consilio meorum perpetue tribuo ubi uulgus sedulis uocabulis nomen indidit CULANHAM, quatinus illa bene perfruatur ac perpetualiter possideat dum huius labentis eui cursum transeat inlesa atque uitalis spiritus in corruptibili carne inhereat, et post se cuicunque uoluerit perhenniter heredi derelinquat sicuti prediximus. Sit autem predictum rus liberum ab omni mundiali obstaculo cum omnibus que ad ipsum locum pertinere dinoscuntur, tam in magnis quam in modicis rebus, campis, pascuis, pratis diriuatisque cursibus aquarum, donans donabo libertatem. Ideo scripsimus nouam cartulam quia antiquam non habebamus. Sed si quis in propatulo aliam cartulam produxerit, sciat se proculdubio cum sempiterno singrapho agie crucis ab omnibus fidelibus abdicandam et ad nichilum ualeat. Si quis autem quod non optamus hanc nostram diffinitionem elationis habitu incedens infringere temptauerit, perpessus sit gelidis glatiarum flatibus et pennino exercitu malignorum spirituum, nisi prius irriguis penitentie gemitibus et pura emendatione emendauerit. Acta est hec prephata donatio anno ab incarnatione Domini nostri Iesu Christi .dccccxl., indictione .xiii. Ego Eadmundus rex Anglorum prefatam donationem cum sigillo sancte crucis confirmaui. + Ego Eadred frater eiusdem regis consignaui. + Ego Wulfhelm Dorobernensis ecclesie archiepiscopus consignaui. Et multi alii consignauerunt et firmauerunt.